Horom

Хайрт чинь нэг л биш үү?   Чи үнэхээр түүнийг хардаад байна уу  Нотолгоо баримт байна уу? Байгаа болоод хардаж байгаа байх даа шал дэмий юм асуучих лаа Үнэхээр уур чинь хүрээд байна уу?   бах таваа ханатал балбамаар,  муу муухайг нь дуудмаар хэн нэгэнд  хэлмээр ер нь яасан ч  яадгийн гэж бодож сууна уу?  Дураараа  л бол Чамайг хэн хорих вэ?  дээ    Гэхдээ ганцхан хором саатчих.  Чамд хэрэг болж мэднэ.  Зөвлөгөө  байна  Наадахаасаа сал  Одоохон хоёр тийшээ бол.....Чадахгүй ээ   Ихэнх нь ийм л хариулт өгдөг дөө Тэгэхээр хайртаасаа,   ханиасаа та лав л салахгүй бололтой дэг  Тэгэхээр хардана  гэдэг бол та өөртөө итгэлгүй байна гэсэн үг.    Итгэлгүй байж яах гэж өөрийгөө зовооно вэ?    Хардана гэдэг асаж байгаа галын дэвэргэсэнтэй адил   Тэрний оронд  чи түүнтэй анх  учрахдаа хэрхэн хоёр биенээ ойлгодог байсан хэцүү үед яаж зохицдог байсан энэ  бүхнээ одоо нэгхэн удаа  ашиглаад үз дээ  Магадгүй  та  тэр үе чинь түүх болсон гэж хэлэх байх л даа..... Зүгээр дахиад сэргээх гээд үз дээ  Хамгийн гол нь ярилц    Үнэн сэтгэлээсээ хүн ярихад тэнэг л биш бол хэн ч гэсэн таныг ойлгоно Уйлж дуулахдаа биш л дээ  Чин сэтгэлээсээ хэл ярь Түүнийг тань мэд  Дараа нь өөрийгөө ол Итгэлтэй байх уу үгүй юу  гэдэг таны  ярилцлагаас хамаарна Тэгсэний дараа дахиад хэлье салах тухай бодоод үзээрэй  Итгэл байвал өмнөх хариулт чинь  өөр хэлбэрээр давтагдах байх Аль эсвэл гунигтай магадгүй цаашид танд жаргал авчрах  хариулт гарч ирэх байхаа  Чамд амжилт хүсье.   Өөртөө итгэлтэй хүн л   аз жаргалтай амьдрана  Тийм биз дээ найз уу даа  Хайраар бялхаж яваа хосуудаа Сайхан амьдарч байгаа гэр бүл үүдээ  Тэгэхээр түүнийг хайрла,  бас  итгэлтэй байхын тулд ярилц ийм л байна.                 

Нэг шөнийн дотор  40 согтуу жолооч хотын гудамжаар сүлжилдэн давхидаг гээд бодоод үз дээ Итгэмээргүй боловч энэ тухай ЗЦГ-аас мэдээлж байна.  Яасан ч аминаас уйдсан улс байдгийн Ямар ч их хөрөнгөтэй юм Ер нь бидэн шиг зовж олсон хөрөнгөө нүд ирмэхийн зуур үгүй хийдэг, Сайн дураараа амиа хорлодог. Зүгээр ч далд оролгүй хичнээн сайхан гэр бүлийг хагацалд унагадаг гайнууд байх уу? Архи уусан ч тэр машиныг нь унуулаад явж байгаа нь ч тэр араас нь сайхан амраарай гэж арай хэлдэг үү л байх даа Ийм тохиолдолд тэдгээр хүмүүс таныг чухам л үхэл рүү чинь гараараа түлхснээсээ ялгаа юу байна Ингээд бодохоор бид ч муухай улс юм даа Машинаа унаад явж байгаа нь ч гэсэн таарчихсан амьтан Үхлийн аман дээрээс нь атгаад авч байгаа нөгөө муу цагдаа нарыг юу гэж хэлнэ гээч “Миний мууг үзлээ, Эрхийг минь хасаарай, Чамайг сайн явах үзнэ Ална тална гээд агсарч өгнө дөө Уул нь архи өгсөн автомашинтай нь явуулсан нөхдүүд л ингэж хэлмээр байгаа юм. Саяхан би найзуудтайгаа уулзлаа. Нэг маань нилээд согтуу үедээ машинаа унаад харина гэнэ Манайхан ч яахав эхэндээ бүгд хориглолоо Түлхүүрийг нь нуулаа Нөгөө нөхөр агсарлаа Согтуу хүн ч яахав Нэг эмэгтэйгээ элдвээр хэллээ Түлхүүр өгсөнгүй гэж Бас нэгэнтэй нь нударга зөрүүллээ Эхэндээ хориглож байсан нөхөд сүүлдээ өнөөхөд чинь уурлаад түлхүүрийг өгч байна Май зайл чиний төлөө л хэлсэн Дураараа бол Ядаргаа үхнэ л биз хохь нь гэж байна. Цаадах нь яахав Би үхээд өгий гээд давхилаа Энэ бол манайд байгаа түгээмэл жишээ Эхэндээ дугуй байсан би ч яахав зангийг нь мэдэх хойно араас дагаж хөдлөөд шулуун замд 100 тай явж байж гүйцэж очсноор бүх зүйл сайхан өнгөрлөө Үүнээс нэг л зүйлийг би ойлгосон Магадгүй мань хүн тухайн үед уусан архи, уурласан омогтоо аваар хийх байснийг хэн ч мэдэхгүй Тийм тохиолдолд ёстой өөрийн нь хохь болно Бид ч “яах гэж явуулав” даа гэх харуусал тээсээр үлдэнэ Ингэхгүй тулд ууж идэхээсээ өмнө сайн бодож баймаар байна аа залуусаа Харин нэгэнт болж буй процессыг бол бусдын төлөө таслан зогсоох л хэрэгтэй

Бид өнөөдөр хэдүүлээ билээ Хүн ам нь гурван сая хүрэх үү? Лав л сонгуулиар санал хураалтанд оролцох хүн амын тоо нэг сая таван зуу л байсан даа Үүгээрээ юу хэлэх гээд байна гэхээр Бид нэгнийгээ хайрлая хүндэтгэе гэх гэсийн юм. Яаж гэж үү? Их амархаан Зүгээр л нэгнийгээ хүндлэе Та автомашинтай бол зам гарч байгаа нэгнийгээ түр зогсоод өнгөрүүлчих Хэрэв та замын хөдөлгөөнд явганаар зорчиж байгаа бол жолооч хөдөлгөөнөө үргэлжлүүлэхэд битгий саад бол. Танд ч тэр жолоочид ч тэр гаргасан замын хөдөлгөөний дүрэм, гэрлэн дохиолол гэж байна. Түүгээр л явья. Магадгүй мөрдөх боломжгүй газар бол бие биеэ хүндэтгэе Өнөөдөр бид яаж байна гэхээр аль аль нь хараал хэлээд уулзвар гарц ер нь хаана ч тэр чихээд дайраад л Нэг л их ууртай улс Үүний цаана хүний эд хөрөнгө амь нас хохирч байна. Би энд ЗЦГ-аас гаргасан аймаар тоонуудыг хэлмээргүй байна Таны дотрыг жихүүцүүлээд яахав Харин өдөрт золгүй байдлаар зам тээврийн осолд багаар бодоход 1удаа ихээр бодоход 5 хүн бидний хэн нэгний элгийг нь эмтэлсээр нөгөө нэг хэсэг нь өргөст торны цаанаа залуу насаа үдэж байгааг дуулгая. Тэгэхээр хүний алтан амийг хэрхэн аврах вэ? Энэ боломж зөвхөн таны гарт л байна. Мэдээж та өөрийнхөө үр хүүхдийг эцэг эхээ дайрч алахгүй л лав, та ч тэднийхээ дугуй доогуур орж амь амьдралыг нь үрэн таран хийхийг хүсэхгүй байх. Түүн лүгээ бусдыг хайрлая хүндэтье Хичээлээсээ хоцрох гээд яарч хаа яваагаа мэдэхгүй зам хөндлөн гүйж яваа нялх амьтныг харсан даруйдаа зогсож өгөөд л зам гаргачих л даа хэдхэн секунд зарцуулна биз дээ Тэрэнд хууль дүрэм энэ тэр ямар яриад ойлгох биш. Тэрний оронд тэнгэрт хадтал нь сигнаал өгөөд өнгөрөх хэрэг юу байна даа .

Долоо хоног бүрийн хоёр дахь өдөр гэж гай дуудсан ёрийн өдөр болжээ. Энэ өдөр аян замд явж болохгүй. Эмнэлэгт хагалгаа хийлгэж болохгүй гэнэ. Ажил төрөл хөөцөлдөх дэмий гэнэ Зөрөөд замд гарвал яахав гэсэн чинь замдаа аваарт ороод үхнэ гэнэ. Хагалгаа хийлгэвэл яах уу гэсэн чинь за даа тэр өрөөнөөс ер нь амьд гарч ирэхгүй юм байх Хэн тэгэж байна гэсэн чинь лам тэгэж байна гэнэ тэгээд өвдөөд шаналаад үхэх дээр тулж байвал яахав гэсэн чинь лам тэс гэсэн юм байх За даа тэгээд муу хүний үхэл Бямба-д гэж ирээд ярих болжээ Энэ өдөр нүд анивал араас нь хэлийг нь мэдэхгүй түвд номыг ёстой л яс нь өндийж босож ирээд дуугүй болоод өгөө ч гэж хэлтэл уншуулж байна. Яагаад ингэв гэсэн чинь нөгөө л ламын айлдсан шийдвэр юм байх аа Саяхан би эмнэлэгт хэвтлээ Үнэхээр үхэлтэй нүүр тулчихаагүй л бол хагалгаа хийлгэж байгаа амьтан алга. Бас болоогүй ээ нөхдүүд мэс ажилбар хийх гэж эмч нарын нас, хүйс, төрсөн жил, сар өдрийг нь асууна гээч Тэгээд лам нарын хэлсэнтэй таарж нийцэхгүй байвал мэс ажилбар хийлгэхгүй гэнэ Эмнэлэгийнхэн ч сохор таавраар гаргасан лам зурхайч нарын цаг хугацаанд мэс ажилбар хийж байна. За даа нэртэйгээр эмнэлэгүүдэд сүм хийдүүд лам нарынхаа орон тоог гаргачвал ер нь яасийн Дараа нь орон нутаг руу хүн явуулах санаатай Драгон, Нарантуул орлоо нэг ч машин байдаггүй Яасан гэсэн чинь нэг ч зорчигч олддоггүй гэнэ Түүндээ тааруулаад өнөөх Олон улсын худалдааны төв нь амардаг Лайтай байгаа биз Ер нь ингэхэд хэн өнөөдөр хоёр дахь өдөр гэж хэлсэн юм бэ, дэлхий ертөнц үүссэн цагаас эхлээд тооцоод явахад өнөөдөр хоёр дахь өдөр яг ингэж таарч байна гээд хэлээд өгчих хүн байна уу? Би та нараас асууж байна За гаргачлаа Долоо хоног бүрийн тэр муу хоёр дахь өдрийг бид алгасалгүй тааруулчихлаа гэж бодий Тэгвэл өнгөрсөн хоёр дахь өдрүүд үнэхээр тийм муу өдөр байснийг батлах хэрэгтэй биз дээ Тийм тооцоо судалгаа харьцуулалт та нарт байна уу? Над шиг мянга мянган тэнэгүүдэд хэлээд өгөөч

БСШУЯ өөрийн вэб хуудсандаа сурах бичгүүдийг байрлуулна. Энэ нь гадаадад амьдарч байгаа хүүхдүүдэд үндэсний сурах бичгээ интернетээр үзэх боломж бүрдэж байна. Нөгөөтэйгүүр хүүхдүүд эцэг, эхтэйгээ хамт хичээлээ давтахад том бололцоо олгож байгаа юм. Багш нар ч гэсэн вэб хуудаснаас хараад хичээлээ явуулах боломжтой. Энэ жил гэхэд шинээр 27 төрлийн сурах бичиг зохиосноос 20 нэр төрлийг шинээр, дөрвөн нэр төрлийн сурах бичгийг гадаад хэл буюу казах хэл дээр орчуулсан юм байна. Мөн нэгдүгээр ангийн хүүхдийн сурах бичгийг дахин шинээр хийжээ. Үүнээс гадна ерөнхий боловсролын сургуульд хэрэглэгдэх 67 нэр төрлийн сурах бичгийг дахин хэвлэсэн байна.

Хүүхдийг эхийн сүүгээр хооллох дэлхийн долоо хоног  эхэлж байна. Иймд хүүхдээ аль болох хөхөөр хооллож, сүү орлуулагч бүтээгдэхүүнийг  хэрэглэхгүй  байхыг эхчүүдэд эрүүл мэндийн байгуулагууд зөвлөж байна. Хүүхдийг угжаар болон бусад орлуулагч бүтээгдэхүүнээр хооллосноор эх, хүүхдийн сэтгэл зүй алдагдах, нярай хүүхэд амархан  суулгалт өгөх,  A аминдэмийн дутагдалд орох, хэт таргалах амьсгалын замын халдварт өвчнөөр өвдөх эрсдэлийг бий болгодог байна. Тиймээс хүүхдээ хөхөөр нь хооллохыг “Horom блог” та бүхэнд уриалж байна

Ган зуд, гай түйтгэрээс гэтэлгэж, хамаг амьтны амар амгалангийн тусын тулд үйлддэг Хүрээ цамын ёслол Зүүн хүрээ “Дашчойлон хийд”-д өнөөдөр боллоо. Буян хишиг аврижуулж хураадаг гэх энэ ёслолд сүсэгтэн олон өргөнөөр оролцож байсан юм. Жилд ганц удаа болдог энэ ёслол зуны адаг сарын шинийн 9-ний энэ өдөр ийнхүү тохиолоо. Зүүн хүрээ “Дашчойлон хийд” энэ ёслолыг 7 дахь жилдээ зохион байгуулж байгаа юм.

Монгол ахуй, нүүдлийн соёл иргэншил, хөдөөгийн аж амьдралын талаар гадныхан ихэд сонирхдог. Тэд Монголд ирж бидний тухай телевизийн дэлгэцнээ буулгах нь олонтаа. Тэгвэл саяхан монгол гэрийн өвөрмөц онцлог, говь нутгийнхны амьдралыг судлахаар Германы хэсэг эрдэмтэд манай улсад ирсэн байна. 
Нийтдээ 20 орчим хүний бүрэлдэхүүнтэй судалгааны багийнхан Монголд хөл тавьсан даруйдаа говийг зорьжээ. Судлаачдын багийн гол зорилго нь монгол гэрийн үүсэл хөгжил, өнөөгийн амьдралыг кино хальснаа буулган авах юм.

Сүүлийн үед зарим байгууллага, хувь хүн, хэлний сургалтын төв, боловсрол зуучлалын компани зэрэг газрууд "БНХАУ-ын Засгийн газрын тэтгэлэг" болон “ӨМӨЗО-ийн Засгийн газрын тэтгэлэг"-т хамруулах тухай хэвлэл мэдээллийн хэрэгслээр зарлаж, иргэдээс их хэмжээний төлбөр хураан авах үйл ажиллагаа явуулж байна. Энэ нь хууль бус үйлдэл төдийгүй Монгол Улсын иргэд дээрх үйл ажиллагаанд сэрэмжтэй хандахыг Монгол Улсын Боловсрол, соёл, шинжлэх ухааны яамнаас мэдэгдлээ БНХАУ-аас Монгол Улсад суугаа Элчин сайдын яам нь "БНХАУ-ын Засгийн газрын тэтгэлэг" болон "ӨМӨЗО-ны Засгийн газрын тэтгэлэгт сургалт"-ыг албан ёсоор зохион байгуулах эрхтэй. Гэхдээ БНХАУ-ын ЭСЯ нь БНХАУ-д Засгийн газрын тэтгэлгээр оюутан сургах талаар ямар ч аж ахуйн нэгж, байгууллага, хувь хүнд эрх бүхий итгэмжлэл өгөөгүй гэдгийг албан ёсоор мэдэгджээ. Мөн дээр дурдсан тэтгэлэгт хамрагдаж суралцахад Монгол Улсын Боловсрол, соёл, шинжлэх ухааны яамны зохих журмын дагуу бүртгэлийн болон шалгалтын байр, хэвлэл мэдээллийн зардал зэрэгт зориулах бага хэмжээний хураамжаас өөр бусад ямар ч төлбөр хураамж авдаггүй болохыг албан ёсоор мэдээллээ.

Ерөнхийлөгчийн хэлж байгаагаар өөрийн нь санаачилсан өршөөлийн хуульд хамрагдах  авлигийн   хэргээр шоронд хоригдож байгаа, өршөөгдөх ганц ч хvн байхгvй гэнэ. Өөрөөр хэлбэл, энэ зүйл ангиар  зvйлчлэгдэж шоронд орсон нэг ч хүн байхгүй гэсэн үг. Авлигатай тэмцэх газар байгуулаад нэлээд хугацаа өнгөрсөн ч авлига гэсэн тусгай зvйл Эрvvгийн хуульд байдаггvйг Ерөнхийлөгч хэлж байна. Тиймээс Авлига гэдэг зvйл ангийг Эрvvгийн хуульд оруулж өгөх хэрэгтэй. Авлига, албан тушаалын хэргийн зvйл ангийг чангатгаж, мөнгөн хахуулийг заавал буцааж төлvvлдэг, төрийн албан хаагч ийм хэрэг vйлдвэл насан туршид нь төрийн алба хаших эрхгvй болгох талаар хууль санаачилж, энэ намрын УИХ-ын чуулганд оруулах болсноо онцолсон юм.

Монгол Улсад албан ёсны айлчлал хийж буй НҮБ-ын Ерөнхий нарийн бичгийн дарга Эрхэмсэг ноён Бан Ги Мүн Монгол улс ардчилал, чөлөөт эдийн засаг руу амжилттай шилжсэн. Үүгээрээ ч дэлхийн бусад оронд сайн үлгэр жишээ болсон билээ. Харин одоо цаг уурын өөрчлөлтийн асуудлаар амжилттай шийдвэр гаргаж чадна гэдгээ харуулна гэдэгт найдаж байгаагаа илэрхийллээ.

Хангай, Хэнтэй нуруу, Хөвсгөлийн уулсаас усжих ихэнх гол мөрний усны түвшин олон жилийн дундажтай харьцуулахад  20-80 см давж үерлэж байна. Иймд томоохон голуудын дагууд, жижиг гол, хуурай сайрын савд нутаглаж, аялал зугаалга, амралт, аж ахуйн үйл ажиллагаа явуулж буй ард иргэд, албан байгууллага үер усны аюулаас байнга болгоомжтой байхыг анхааруулж байна.

Монгол Улсад албан ёсны айлчлал хийсэн БНСУ-ын Үндэсний Батлан хамгаалахын сайд Ли Сан Хиг Монгол Улсын Батлан хамгаалахын сайд Л.Болд хүлээн авч уулзах үеэр хоёр улсын сайд нар чухал тохиролцоонд хүрсэн байна. БНСУ-ын Үндэсний Батлан хамгаалахын сайд Ли Сан Хи Хойд Солонгосын эрх баригчид цөмийн зэвсгээ устгаж, хэлэлцээрийн ширээнд суувал Өмнөд Солонгосын зүгээс эдийн засгийн томоохон тусламжийг Хойд Солонгост үзүүлэх боломжтой тухай дурьдаад, Монгол Улсын Батлан хамгаалах яамны зүгээс энэхүү бодлогын талаар Хойд Солонгост уламжлахыг хүсч, Монгол Улсын оролцоотойгоор хоёр Солонгос хэлэлцээрийн ширээнд суувал чухал ач холбогдолтой хэрэг болно хэмээн үзэж буйгаа илэрхийлсэн байна. Үүний хариуд Монгол Улсын Батлан хамгаалахын сайд Л.Болд Монгол Улс Зүүн хойд Азийн бүс нутагт оршдог орны хувьд энэ бүс нутгийн аюулгүй байдал, түүний дотор Солонгосын хойгийн асуудлыг сайтар ажиглаж байдаг. Энэхүү асуудлыг энх тайвны замаар зохицуулахад бүх талын дэмжлэг үзүүлэх бодлого баримталж байгаа бөгөөд хоёр Солонгосын асуудлыг шийдвэрлэхэд гүүр, гарц байж болно хэмээн үзэж буйгаа илэрхийлсэн байна. 

 
Дvvрэн хайртай дундуурхан учралаар би мєрєєдлєє гоёдог
Дvнчvvр маани хэлсэн буурлын харцаар би бодлоо гоёдог
Дэрсхэн єсєж дэлхий хотойлгосон андаараа би итгэлээ гоёдог
Дэргэдээс минь холддоггvй жаахан гунигаар би сэтгэлээ гоёдог
Гэртээ бурхан мэт эрхэлж би ижийгээ гоёдог
Гэр барин наадсан чулуун тоглоомоор би нутгаа гоёдог
Гэзгэндээ туузтай жаахан охиноор би дурсамжаа гоёдог
Гэргий минь болоогvй хvний сайхан vрээр би хайраа гоёдог

Алдаж онохын тоогоор би ухаанаа гоёдог
Айлын хєєрхєн эхнэрээр би дурлалаа гоёдог
Агуу орчлонг туулах эр зоригоор би зvрхээ гоёдог
Амьдрал минь тэр аяараа гоёлын цуглуулга юмаа

Хоног єдєр єнжилгvй жаргалын далайд умбадаг ч ч
Хорвоогийн сvvдэр ихсэх бvр би зовлон нэмдэг
Хvйтэн салхи цээж зуравч сэтгэлдээ галтай
Хvмvvний алдхан биеэ хvртэл би зовлонгоор гоёдог

Vvлс бvхэн нvvдэллэж хураа гоёдог
Vндэс бvхэн соёолж цэцэгсээр гоёдог
Vлэмж тансаг гэгээн бvхнээр би хvслээ гоёдог
Vлдсэн насаа бvхлээр нь би vр хvvхдээрээ гоёно

Оройгvй мэт тэнгэр шувуудын цуваагаар гоёдог
Оддын шаргал гэгээгээр шєний тал гоёдог
Огторгуйн саарал манан орчлонгийн цэнхэр туяагаар гоёдог
Орчлон єєрєє надаар гоёдог, би ч бас гоё амьдрана аа

Чингис хаан хүмүүсийн төсөөлөлд хэрцгий байлдан дагуулагч, алдар цуу нь харгислал, айдас хүйдэс, устаж үгүй болсон улс гүрэн, хот балгадын суурин дээр мандсан гэдгээр ерөнхийдөө буудаг. Чингисхаан үнэхээр агуу байлдан дагуулагч байжээ. Тэрээр өөрийн тоо томшгүй цэрэг арми  эсвэл байлдан дагуулсан, эзлэн түрэмгийлсэн улс орнуудын тоо, хүчээр ялан дийлдэг байсан байж болох ч ямарч байсан түүхэн дахь хамгийн хүчирхэг байлдан дагуулагчдаас хоёр дахин их газар нутгийг эрхшээлдээ оруулсан юм. Монгол дайчдын морьдын туурай Номхон далайгаас Газрын дундад тэнгис хүртэлх өргөн уудам нутгийн бүх гол мөрөн, нуурын усаар угаагдсан байдаг. Монголын Эзэнт гүрэн ид цэцэглэлтийн үедээ 11-12 сая хавтгай дөрвөлжин миль буюу бүх Африк тивтэй тэнцэх хэмжээний газар нутгийг хамарч байлаа. Өөрөөр хэлбэл, эзэнт гүрний нутаг дэвсгэрийн хэмжээ АНУ, Канад, Мексик, Төв Америк, Карибийн арлуудыг багтаасан Хойд Америк тивийн хэмжээнээс ч том байлаа. Эзэнт гүрэн цаст Сибирийн тундрээс Энэтхэгийн улайдам халуун тал нутаг,  Вьетнамын тутрагын тариалангаас Мажаарын буудайн талбай, Гуулингаас (Солонгос) Балкан хүртэл үргэлжилж байв. Дэлхийн хүн амын дийлэнх хэсэг монголчуудын нэгэн цагт байлдан дагуулсан улс орнуудад амьдарч байна. Орчин цагийн газрын зургаар бол Чингис хааны байлдан дагуулсан нутаг дэвсгэрт 30 орны нийт 3 тэрбум гаруй хүн оршин сууж байна. Хамгийн сонирхолтой нь нийт монголчууд тэр үедээ ердөө л нэг сая орчим байжээ (энэ нь орчин үеийн корпорацийн ажилтны тооноос бага). Түүний цэрэг 100 мянга хүрэхтэй үгүйтэй дайчдаас бүрдэж байсан бөгөөд ийм тооны хүн орчин үеийн томоохон цэнгэлдэх хүрээлэнг дүүргэх төдий юм.    

Яг жилийн өмнө энэ өдөр УИХ-ын сонгуулийн дүнг эсэргүүцсэн иргэд Сүхбаатарын талбайд жагсаж, оройдоо нийтийг хамарсан үймээн болон хувирч Монгол улсын хувьд анх удаа улс оронд онц байдал зарлан  таван хүн  амиа алдсан хар өдөр. Энэ өдөр 700-гаад хүүхэд залуус баривчлагдан хоригдож үүнээс 200-гаад нь ял шийтгэл аваад байна  Мөн албан үүргээ  гүйцэтгэж байсан  олон арван цагдаагийн  албан хаагчид  эрүүл мэндээрээ хохирсон юм. Түүнчлэн  хүний амь  нас хохирсон   улсын өмч хөрөнгөнд халдсан, галдан шатаасан хэргүүд өнөөдөр бүрэн илрээгүй байна.

1. Та ажиллаж хөдөлмөрлөхөд цаг зарцуул.
Энэ бол амжилтын үнэ цэнэ.
2. Та эргэн дурсахад цагаа зарцуул.
Энэ бол хүч чадлын эх булаг.
3. Та тоглож наадахад цагаа зарцуул.
Энэ бол залуу байхын нууц.
4. Та уншиж мэдэхэд цагаа зарцуул.
Энэ бол эрдэм мэдлэгийн үндэс суурь.
5. Та нөхөрсөг байхад цагаа зарцуул.
Энэ бол аз жаргалтай байхын үүд хаалга.
6. Та зөгнөн мөрөөдөхөд цагаа зарцуул.
Энэ бол одонд хүрэх зам.
7. Та хайрлан дурлахад цагаа зарцуул.
Энэ бол амьдралын жинхэнэ баяр баясгалан.
8. Та баярлаж хөөрөхөд цагаа зарцуул.
Энэ бол зүрх сэтгэлийн хөгжим.
9. Та цэнгэн зугаацахад цагаа зарцуул.
Энэ бол хийсэн зүйлийн тань шагнал.
10. Та бодож төлөвлөхөд цагаа зарцуул.
Тэгвэл та дээрх 9 зүйлд зориулах цагтай болно